6 წლის ცოტნე ძალიან თბილი და მხიარული ბიჭია, სულ რამდენიმე დღეა რაც „პირველი ნაბიჯის“ დღის ცენტრში დაიწყო სწავლა და ძალიან ბედნიერია! მისი ცხოვრება რადიკალურად შეიცვალა, უკვე ყოველ დილით დედასთან ერთად სიცილით მოიჩქარის სასწავლებელში, აქამდე ბავშვი სახლში ძალიან მოწყენილი იყო, ტიროდა როდესაც და-ძმა საბავშვო ბაღში და სკოლაში მიდიოდა თვითონ კი იძულებული იყო მარტო დარჩენილიყო. ეს სირთულეები მან დღის ცენტრში სიარულით გადალახა. აქ თამაშ-თამაშით შეუძლია ისწავლოს უამრავი რამ, რაც უფრო დამოუკიდებელს გახდის. მისთვის შეიქმნა სპეციალური პროგრამა, რაც პედაგოგებს დაეხმარებათ სწორი მიმართულებით განავითარონ ცოტნეს შესაძლებლობები და უნარები.