იმისათვის რომ ბავშვებმა თავისიანად მიგიღონ, უნდა მოიქცეთ ისე, როგორც იქცევიან ისინი, უნდა დაინტერესდეთ იმით, რაც მათ აინტერესებთ. თქვენი და მათი სურვილები ისე უნდა გააერთიანოთ, რომ ვერც კი იგრძნონ ბავშვებმა განსხვავება, ისე მიიღონ თამაშიდან მნიშვნელოვანი და აუცილებელი.
ბავშვებთან ურთიერთობისას მნიშვნელოვანია:
- გავხდეთ მათი თანატოლი და თანასწორი;
- შევუთავსოთ გასართობი სასარგებლოს;
- გავითვალისწინოთ ბავშვის განვითარების დონე;
- არ შევადაროთ სხვას, დავაფასოთ და მივიღოთ მისი პიროვნება, გავითვალისწინოთ მისი ინტერესები და სურვილები;
- მოვუსმინოთ ბავშვებს, ისინი ყოველთვის საინტერესო რამეს გვეუბნებიან და გვასწავლიან;
- წავახალისოთ ბავშვის კრეატიულობა;
- შევაქოთ, არ გავაკრიტიკოთ ბავშვები;
- მეტი დრო დავუთმოთ ბავშვებს, ვესაუბროთ და ვეთამაშოთ მათ;
თამაშის საშუალებით ბავშვი:
- იგებს თავის შესაძლებლობების შესახებ;
- იწყებს და სწავლობს ფიქრს, დამახსოვრებას, პრობლემის გადაჭრას, აზრების და ემოციების გამოხატვას;
- გამოიმუშავებს ემოციურ კონტროლს, პასუხისმგებლობის და ლიდერობის უნარებს;
- სწავლობს უფროსებთან, თანატოლებთან ურთიერთობის წესებს. უვითარდებათ დალოდების, რიგის დაცვის და გაზიარების უნარი.
თამაში ხელს უწყობს ბავშვის კოგნიტურ, სოციალურ-ემოციურ, მეტყველების და მოტორულ განვითარებას.
თამარ ვაშაკიძე
განვითარების სპეციალისტი - ბავშვთა ადრეული განვითარების პროგრამა
