პირველი ნაბიჯის კონსულტაციის, ინტერვენციისა და თერაპიის ცენტრის თანამშრომლებმა კვალიფიკაციის დამადასტურეებლი კიდევ ერთი საერთაშორისო სერთიფიკატი მიიღეს.
ორგანიზაციის ორი ფსიქოლოგი გვანცა კოპალიანი და თეონა გავაშელიშვილი უკვე ფლობს მოდელის "DIR ფლორთაიმ" (DIR Floortime) პროფესიონალის სერთიფიკატს; მეორე დონე ემოციურ, სოციალურ და კოგნიტურ განვითარებაში. („Professional DIR-FCD™ Model Certificate Level 2 in Emotional, Social and Cognitive Development (CL2) / Fellows Course“).
აღნიშნული სერთიფიკატის საფუძველზე სპეციალისტებს შეუძლიათ:
DIR Floortime მიდგომის მიხედვით ბავშვის განვითარების ინდივიდუალური პროფილის, მისი ფუნქციურ-ემოციური სფეროს შეფასება და შესაბამისი ინტერპრეტაცია;
დაკვირვებისა და თერაპიის პროცესში DIR Floortime მეთოდის შეფასების ძირითადი ინსტრუმენეტებისა და ტექნიკების გამოყენება;
ბავშვის ფუნქციურ-ემოციური სფეროს განვითარებაზე მოქმედი ფაქტორების იდენტიფიკაცია;
შეფასების შედეგად ბავშვთან და ოჯახთან მუშაობის ინდივიდუალური გეგმის შედგენა;
ბენეფიციარების განვითარების პროგრესის შეფასება და ინტერვენციის გეგმის შესაბამისი მოდიფიკაცია;
აღნიშნული მოდელის ჩარჩოში სხვადასხვა სფეროს წარმომადგენლებთან ინტერდისციპლინური მუშაობა;
DIR Floortime მოდელით რეფლექსიური სუპერვიზიისა და ტუტორინგის სიღრმისეული გააზრება ;
ბავშვის განვითარების, ინდივიდუალური განსხვავებულობისა და გამოწვევების სიღრმისეული გაგება;
DIR Floortime მოდელის შესახებ ინფორმაციის გავრცელება, დაინტერესებული პირებისათვის აღნიშნული მიდგომის გაცნობა, შესაბამისი პრეზენტაციებისა და შეხვედრების ორგანიზება;
ასევე მოხარულები ვართ გაცნობოთ, რომ ორივე სპეციალისტი გადავიდა პროფესიული განვითარების შემდეგ ეტაპზე, რაც გულისხმობს სწავლის გაგრძელებას DIR Floortime მოდელის ტრენერთა კურსზე. აპრილიდან თეონა და გვანცა გააგრძელებენ შემდეგ ეტაპზე სწავლას, რის შედეგადაც მათ შესაძლებლობა ექნებათ ამ სფეროში მომუშავე დაინტერესებული სპეციალისტები მოამზადონ / გადაამზადონ DIR Floortime მოდელის მიხედვით.
DIR Floortime არის ინტერევენციის მეთოდი, რომელიც გამოიყენება აუტისტური სპექტრის აშლილობისა და სხვა განსაკუთრებული საჭიროების მქონე ბავშვებთან. იგი ეფუძნება იდეას, რომ ემოცია უპირველესია ადამიანის გონებრივი განვითარებისთვის და ხელს უწყობს ბავშვის სოციალურ-ემოციურ და კოგნიტურ განვითრებას. DIR Floortime წარმოადგენს განვითარების მოდელს, რომელიც ფოკუსირებას ახდენს მშობელს/მომვლელსა და ბავშვს შორის სოციალურ ინტერაქციასა და ორმხრივ ურთიერთობაზე, რა დროსაც გათვალისწინებულია ბავშვის სენსორული ინტეგრაციის პროფილი. აღნიშნული მიდგომა, უნივერსალური განვითარების პრინცპიზე დაყრდნობით, საშუალებას იძლევა მოერგოს სხვადასხვა ასაკის ადამიანს განვითარების სხვადასხვა ეტაპებზე არსებული გამოწვევების შესაბამისად.
