პირველი ნაბიჯის დღის ცენტრის ბავშვებისთვის განსაკუთრებული დღე დაგეგმეს თბილისის პირველი ექსპერიმენტული საჯარო სკოლის მოსწავლეებმა, მათ დღის ცენტრის ბავშვებისთვის ინდივიდუალური საჩუქრები მოამზადეს, რომლებიც პირადად გადასცეს თანატოლებს, გარდა ამისა ბავშვებმა ერთობლივად შექმნეს სენსორული სათამაშოები და ძალიან იმხიარულეს.
ბავშვებისთვის ძალიან დასამახსოვრებელი იყო ეს დღე და შემდეგი სტუმრობაც უკვე დაიგეგმა, ამჯერად პირველი ნაბიჯის ბავშვები ესტუმრებიან პირველ ექსპერიმენტულ საჯარო სკოლას, სადაც ასევე იგეგმება ერთობლივი აქტივობების განხორციელება სკოლის მოსწავლეებთან ერთად.
აღნიშნული პროექტი ხორციელდება ამერიკის საელჩოს მხარდაჭერით და დაფინანსებით, რომლის მიზანია შეზღუდული შესაძლებლობის მქონე ბავშვებისა და ახალგაზრდების საზოგადოებაში ინტეგრაციის ხელშეწყობა.
