ჩვენ ცივი დღეების აღარ გვეშინია, კომპანია FedEx-ის ოფიციალურმა წარმომადგენლობამ საქართველოში ჩვენი განსაკუთრებული ბავშვებისთვის განსაკუთრებული საჩუქრები მოამზადა - ხელთათმანი, ქუდი და ყელსახვევი ყველა ბავშვს გადაეცა საჩუქრად. კომპანიის თანამშრომლებმა ბავშვები ფერადი ბუშტებით და ტკბილეულითაც გაახარეს. თუმცა ეს კიდევ არ არის ყველაფერი, კომპანია FedEx-ის ოფიციალური წარმომადგენლობა საქართველოში დღის ცენტრის ერთ-ერთი ბენეფიციარის სპონსორიც გახდა, რომელსაც ერთი წლის სწავლის საფასური დაუფინანსა.
გვიხარია რომ კომპანია FedEx-ის სახით პირველმა ნაბიჯმა ახალი მეგობარი შეიძინა.
დიდი მადლობა მათ ზრუნვისთვის და მხარდაჭერისთვის.
